НҮБ-ын Аюулгүйн зөвлөл цөмийн хөтөлбөрөө үргэлжлүүлсээр байгаа Умард Солонгосын эсрэг эдийн засгийн шинэ хоригийн төслийг өнөөдөр хэлэлцэж санал хураах юм байна. Төслөөр бол энэ удаа Умард Солонгост тансаг хэрэглээний бараа, уралдааны машин, завь, үнэт эдлэл нийлүүлэхийг зогсоох юм. Ингэснээр тус улсын эрх баригчид байнгын өлсгөлөнд нэрвэгдээд байгаа ард түмнээ арай илүү анхаарах байх гэж хориг боловсруулагчид найдаж байгаа юм. Үүнээс гадна тус улсын санхүүгийн ажиллагаанд хатуу хяналт  тавьж байх юм байна.