Өчигдөрхөн хэвийн байсан шатахууны үнэ нэмэгдэж эхэллээ. “Шунхлай” компанийн ШТС-ууд өчигдөр оройны 18,00 цагаас эхлэн гурван төрлийн шатахууны үнээ 50 төгрөгөөр нэмжээ.
ОХУ-ын “Роснефть” компанийн захирлуудын зөвлөл Монголд нийлүүлдэг нефть бүтээгдэхүүнийхээ хэмжээг 25 хувиар бууруулна гэж мэдэгдсэнийг өчигдөрхөн манай Газрын тосны газрынхан няцааж “Бид өдөр тутам тэр компанитай холбоотой ажиллаж байгаа. Нефть бүтээгдэхүүн нийлүүлдэг хэмжээгээ бууруулна гэж яриагүй. Оросын зарим сайт л худал мэдээлэл тараасан нь тэр” гэж байсан. Юутай ч дуулианаар шатахууны үнэ нэмэгдлээ.