Австрийн дорнод нутагт авто замын том осол болж 100 гаруй машин мөргөлдсөн байна. Санкт-Пёльтен хотоос холгүй замд болсон энэ ослын улмаас нэг хүн нас барж, хэдэн арван хүн бэртэж гэмтжээ. Өнгөрсөн долоо хоногийн сүүлчээс Австрид цас үргэлжлэн орж эрс хүйтэрснээс замууд халтиргаа гулгаатай болж осол гарах магадлал улам ихэсч байгаа юм. Даваа гарагт гэхэд л шөнөдөө хасах 7 градус болсон нь энэ жилдээ хамгийн хүйтэн болсон юм.