Өмнөд Африкийн бүгд найрамдах улсын Дурбан хотноо болсон БРИКС-ийн орнуудын удирдагчдын дээд хэмжээний уулзалтын үеэр ОХУ-ын ерөнхийлөгч Владимир Путины бие хамгаалагчид өөр хоорондоо зодолдсон гэж түүний хэвлэлийн нарийн бичгийн дарга Дмитрий Песков ам алдсан байна.
Ер нь хамаг юм л эхнээсээ буруу эргэсэн уулзалт болсон гэнэ. Өмнөд Африкийн хэвлэлүүд ч тус улс түүхэндээ анх удаа олон улсын дээд хэмжээний айлчлалыг хамгийн муу зохион байгуулсан гэж бичиж байгаа гэнэ. Өмнөд африкийн тусгай албаныхан ОХУ-ын ерөнхийлөгчийн биеэсээ салгадаггүй нууц чемоданыг авахыг оролдож, ерөнхийлөгчийн аюулгүйн албаны ажилтнууд, кремлийн хэвлэлийн албаныхан, протоколын ажилтнуудыг уулзалтын өрөөнөөс гарахыг шаардсан гэнэ. Гэхдээ хамгаалалтын ажилтнуудын англи хэлний мэдлэг дутуу нь бас нөлөөлсөн байна. Үүнээ болж Путины хамгаалагчид өөр хоорондоо толхилцож, бие биенээ түлхэж эцэст нь өмнөд африкийн тусгай албаныхан тэднийг хөөж гаргажээ. Бүр ОХУ-ын Гадаад хэргийн сайд Сергей Лавров, Ерөнхийлөгчийн гадаад харилцаа эрхэлсэн туслах Юрий Ушаков нарыг ч гаргах гэсэн гэнэ.
Песков  энэ бүхэн хүлээн авч байгаа талын буруугаас болсон гэж онцолсон байна.