АНУ-ын Оклахома мужийн Талса хотын эрх баригчид нутгийн шүдний эмнэлэгт үзүүлж эмчлүүлсэн долоон мянган хүнийг ойрын үед амжиж ХДХВ-ийн болон С, В гепатитийн шинжилгээ өгөхийг хүсчээ.
Албан тушаалтнуудын хэлж байгаагаар бол доктор Скотта Харрингтоны энэ эмнэлэгт эрүүл ахуйн наад захын дүрэм мөрддөггүй, хэрэглэсэн зүүгээ хэд дахин хэрэглэдэг, эмнэлгийн багажаа удаан хугацаагаар угааж ариутгадаггүй, хэд хэдэн эм тариаг зөвшөөрөлгүй хэрэглэж байсан нь илэрчээ. Ийм ч болохоор энэ эмнэлгээр үйлчлүүлсэн нэг өвчтөнөөс ХДХВ-ийн болон С гепатитийн вирус илэрсэн нь ийм арга хэмжээ авахад хүргэжээ. Эмнэлгийг хааж, эмч ажилтнуудыг шалгаж байгаа юм байна.