АНУ-ын Пенсильван мужид нэг ер бусын авто осол гарсан байна. Эзнийхээ машины жолоон дээр суусан нохой дэргэдүүрээ өнгөрч явсан явган зорчигчийг дайрчээ.  Замын цагдаагийн тайланд бичсэнээр бол эзэн нь нохойгоо машиндаа орхиод ажлаа хөөцөлдөж явж. Гэтэл хэсэг хугацааны дараа машин гэнэт хөдөлсөн байна. Хэргийн учир нь нохой зүгээр байж чадалгүй хийн гишгүүр дээр дарж хөдөлгөсөн байх гэж цагдаа нар таамаглаж байна. Азаар машин аажуухан хөдөлсөн болохоор нэг их аюул учруулсангүй, явсаар ачааны машины ард гайхан зогсч байсан явган зорчигчийг хавчиж орхисон байна. Гэмтсэн зорчигчийг эмнэлэгт хүргэсэн байна.
Машины эзэнд болон хөдөлгөөний дүрэм зөрчсөн нохойд  ямар хариуцлага тооцох талаар эх сурвалж дурдаагүй байна.