Аргентиний нийслэл Буэнос-Айрес болон орчмын хотуудад нүүрлээд байгаа үерийн улмаас амь үрэгдсэн хүний тоо 54 хүрээд байна. Хүмүүсийн олонхи нь үерийн төвшин нэмэгдсэн мягмар гаригт амь алджээ. Энд үргэлжилсэн бороо орж, үерлээд хоёр дахь хоногоо болж байгаа юм. Амь үрэгдсэн хүмүүсийн 46 нь нийслэлээс өмнө зүгт 60 км-т байдаг их сургуулийн хот Ла-Платагийн юм байна. Хоёрхон  хоногт л 40 см хур тундас унасан энэ хотын тал нь гэрэл цахилгаангүй болж, холбоо харилцаа тасраад байгаа юм байна.
Аргентины ерөнхийлөгч Кристина Киршнер гамшиг болоод байгаа газарт очиж хүмүүстэй уулзсан байна. Тэрээр өөрөө энэ хотод төрсөн, нэг сая хүнтэй энэ хотод ээж нь одоо ч амьдардаг юм байна. Нийслэл Буэнос-Айрос хотод 15 см орчим хур тундас унасан байна.