Сербийн хөдөө тосгоны иргэн Любиша Б гэгч 60 настай нөхөр зургаан эрэгтэй, зургаан эмэгтэй, хоёр настай нэг хүүхдийг буудаж хороосон аймшигт хэрэг гарсан талаар сербийн В92 телевиз мэдээлсэн байна. Алуурчин үүнийхээ дараа эхнэрээ алж, өөрийнхөө амийг хорлохоор оролдсон ч хоёулаа амьд үлджээ. Гэхдээ нэлээд хүнд байгаа тэднийг шархадсан өөр нэг хүний хамт нийслэл Белградын эмнэлэгт хүргэсэн байна.
Өчигдөр өглөөгүүр Белградаас холгүй 50 км-т орших Велика-Иванча тосгонд Любиша эхлээд өөрийнхөө хүүгийн толгой руу буудаж хөнөөгөөд хөршинх рүүгээ орж энэ аллагаа үйлдэж эхэлжээ.
Тосгоны хүмүүсийн хэлж байгаагаар бол Любиша Б угаасаа л тайван, тэгээд ч аймшигт хэрэг гарахын өмнө ямар нэгэн үйл явдал, хэрүүл тэмцэл болоогүй гэнэ. Түүнийг сэтгэцийн хувьд ийм тийм гэсэн яриа ч байгаагүй гэнэ.