Ливаны өмнөд нутгийн Маржаюн хотын ойролцоогоос өнгөрсөн шөнө Израилын нутаг руу хоёр ч пуужин харвалаа гэж ливаны “Аль”Маядин” телевиз мэдээллээ. Рейтер агентлаг болохоор Израилын умард хэсгийн Метула хотын ойролцоо дэлбэрэх чимээ сонсогдсон, гэхдээ пуужин яг хаана унасан нь тодорхойгүй байна, цэргийнхэн тэр хавийг самнаж байна гэж мэдээлжээ. Зарим эх сурвалжийн мэдээлж байгаагаар бол миномётоор буудсан байж магадгүй байна. Ямар хүмүүс ийн буудсан талаар ч тодорхой мэдээлэл байхгүй байна. Ливаны өмнөд нутагт “Хезболлах” хөдөлгөөний зэвсэгт дайчид, өөр бас палестины хэд хэдэн бүлэглэл үйл ажиллагаа явуулдаг юм.
Хезболлах” хөдөлгөөнийхөн ням гарагт нийслэл Бейрут орчмын хот руу “Мөндөр” загварын пуужингаар хоёр ч удаа буудсанаас  дөрвөн хүн шархадсан юм.