Сири улс Оросоос өгч байгаа агаараас эсэргүүцэх С-300 пуужингийн эхний ээлжийг хүлээн авлаа гэж тус улсын Ерөнхийлөгч Башар Асад “Аль Манар” телевизэд өгсөн ярилцлагадаа онцолжээ. Ерөнхийлөгчийн хэлснээр бол үлдэх хэсгийг ойрын үед гүйцээж авах юм байна. АНУ, Европын холбоо, барууны орнуудын зүгээс ард түмнээ дарангуйлж, тэдний өөдөөс зэвсэг ашиглаж байгаа Башар Асадын  дэглэмд зэвсэг нийлүүллээ хэмээн Оросыг зэмлэж байгаа ч тус улс “Бид Сири улстай батлан хамгаалахын салбарт хамтран ажиллахаар тус улсад иргэний дайн эхлэхээс өмнө гарын үсэг зурсан байсан”  хэмээн нэг биш удаа мэдэгдээд байгаа юм.