Тайланд улс жуулчдыг хамгийн их татаж буй орон гэдгээ “Global Destination Cities Index”-ийн судалгаагаар баталлаа. Тус улсын зөвхөн энэ онд гэхэд 15.98 сая жуулчин зорих төлөвтэй байгаа нь жуулчдын хэзээний аялах дуртай чиглэл болсон Лондон, Парис зэрэг Европын хотуудыг ч ардаа орхисон үзүүлэлт болж байна. Жуулчдын очих дуртай Парис гэхэд энэ онд 13,92 сая жуулчин хүлээн авахаар байгаа юм. АНУ-ын Нью-Йорк ч жуулчдын аялдаг гол чиглэлийн нэг хэвээр байгаа бөгөөд дэлхийн өөр бусад хотуудаас хамгийн өндөр зарлагатайгаараа бусдыгаа тэргүүлж байна. “I love NY” гэсэн бичигтэй ханцуйгүй цамцаас эхлээд жуулчдын мөнгийг салгах арга Нью-Йоркт их байдаг нь жилдээ л гэхэд 18 тэрбум ам.долларын орлогыг энэ хотод төвлөрүүлэх эх үүсвэр болдог байна. Японы Токио ч жуулчдын хувьд хамгийн өндөр өртөгтэй аяллын маршрут хэвээр байна. Энэ улсад аялахын тулд жуулчид дунджаар 2200 ам.доллар зарцуулж байна гэсэн судалгаа гарчээ.
