Мах боловсруулах үйлдвэрийн тоног төхөөрөмж үйлдвэрлэдэг БНХАУ-ын “Qingdao Jianhua food Machinery Manufacturing” компанийн инженер Gao Haoтай цөөн хором ярилцлаа.

-Мах боловсруулах үйлдвэрийнхээ талаар танилцуулаач. Хоногт хэдий хэмжээний мах болосвруулах хүчин чадалтай вэ?
-Манай боловсруулах үйлдвэрийг дөрөв ангилж болно. Адуу, үхэр , хонь-ямаа, гахай, шувууны мах болосвруулах гэж ангилна. Гахайны мах боловсруулах үйлдвэрийн хувьд 40-3000, хонь-ямааны мах боловсруулах үйлдвэрийн хүчин чадал мөн гахайтай адилхан. Үхэр боловсруулах үйлдвэр нь 10-500 ширхэгийг боловсруулах хүчин чадалтай. Үйлдвэрийн тоног төхөөрөмж маань компанийнхаа нэрээр нэрлэгддэг.
-Монголд танай компанийн түнш байгаа юу. Танай үйлдвэрийг ашиглаж байгаа компани байна уу?
-Маш олон байгаа. Монголоор сайн хэлж мэдэхгүй байна. Ямартай ч үхэр, хонины мах боловсруулах үйлдвэр 20 орчим бий.
-Орчин цагт үйлдвэр тоног төхөөрөмжийн гол шалгуур нь байгаль, экологид хор нөлөөгүй, үйлдвэрийн тоног төхөөрөмж дээр ажиллаж байгаа ажилчиндаа сөрөг нөлөөгүй байх ёстой. Танай үйлдвэрийн хувьд бусад үйлдвэрээс давуу тал нь юу байна вэ?
-Манай компани нь хоёр охин компанитай. Нэг нь тоног төхөөрөмжөө үйлдвэрлэдэг. Нөгөөх нь бохир усны системийг цогцоор шийдэж өгдөг юм. Үйлдвэрээс гарах усыг цэвэршүүлдэг. Энэ усаар ногоо усалж болно, гол руу шууд нийлүүлж болно. Ямар ч асуудалгүй байдаг юм. Тэгэхээр байгаль орчинд ямар ч хор нөлөө үзүүлдэггүй.
-Тэгэхээр танай тоног төхөөрөмжийг хэрэглэж байгаа Монгол үйлдвэрүүд яг ийм байдлаар ажилладаг уу?
-Өмнө нь барьсан үйлдвэрүүд энэ асуудлыг шийдүүлье гэж хэлдэггүй байсан. Харин сүүлийн хоёр жилд энэ асуудлыг шийдэх нь зүйтэй гэж боддог болсон. Одоо хамтарч ажиллаж байгаа компани маань энэ асуудлаа шийдүүлж байгаа. Хятадад байдаг бойны газрууд бохир усны асуудлыг цогцоор нь шийдсэн байдаг. Харин монголын компаниуд сүүлийн үед бохир усаа шийдүүлэх хүсэлтээ тавьдаг болсон.