Дөрвөн төрлийн шатахууны үнэ литр тутамдаа 50 төгрөгөөр өнөөдрөөс эхлэн буурлаа. Тэгэхээр иргэд 10 литр тутмаас 500 төгрөг хэмнэх юм. Үүнийг чамлах хэрэггүй гэж Газрын тосны газрын дарга Г.Өлзийбүрэн хэлэв. Учир нь сард улсын хэмжээнд дөрвөн тэрбум төгрөгийн хэмнэлт гарах тооцоо гарчээ. Ирэх  7-10 хоногт бүх хот суурин, аймаг сумын шатахуун түгээгүүрийн үнийн самбарт дээрх хямдрал бичигдэх нь. Монголчуудын өдөр тутмын хэрэгцээнд хамгийн их жин дардаг нь АИ-92 бензин. Энэ бензин нийслэлд литр нь 1670 төгрөг байлаа. Ийнхүү үнэ бууж 1620 төгрөг болсон байна.