Чойр-Наран-Элгэн зөрлөгийн хооронд замын хуваарьт их засвартай тул Улаанбаатар-Сайншанд чиглэлийн орон нутгийн галт тэрэгний цагийн хуваарьт өөрчлөлт гарлаа. Энэ сарын 17-ны өдрөөс ирэх есдүгээр сарын 9-ний өдрийг дуустал 7 хоногийн 1 дэх өдрүүдэд Улаанбаатар-Сайншанд чиглэлийн галт тэрэг явахгүй. Мөн энэ сарын 21-ний өдрөөс 9-р сарын 13-ны өдрийг дуустал 7 хоногийн 5 дахь өдрүүдэд Улаанбаатар-Сайншанд чиглэлийн эртийн галт тэрэг өдрийн 12 цаг 35 минутаас хөдөлж Сайншандад шөнийн 22 цаг 50 минутад очих аж. Сайншанд-Улаанбаатар чиглэлийн галт тэрэг 00:30 цагт хөдөлж, Улаанбаатар хотод 12:15 цагт ирэх аж. Сайншанд-Улаанбаатарын чиглэлийн галт тэрэг 9-р сарын 14-ний өдрөөс хуучин хуваарийн дагуу явна.