Чехийн нийслэлийн цагдаа нар хотын гудамжаар давхиж, хотын төв дэх нэр хүндтэй Hilton зочид буудлын  гаднах шилэн хоргыг хагалсан зэрлэг гахайг барих гэж багагүй цаг, хүч гаргажээ. Иргэдээс “шуурхай мэдээлийн утсанд” өгсөн мэдээллийн дагуу цагдаа нарыг очиход гахай Штавниц арлын тэндээс гарч Влатав голыг гатлаад Прага-10 дүүрэгт давхиж байж. Гудамжаар хар хурдаараа давхиж явсан гахай хүүхдээ тэргэн дээр суулгаад түрж явсан эмэгтэйг дайрах шахсаныг эс тооцвол хүмүүст уршиг тариагүй гэнэ. Гахайг явсаар хувийн орон сууцны нэг хороололд орсон хойно нь цагдаа нар, эмч нар очиж барьж аван унтуулах тариа хийж байж ойн аж ахуйнханд хүлээлгэн өгчээ.