Өмнөд Африкийн домогт удирдагч Нелсон Манделагийн бие лагшин сүүлийн хоёр сар шахам хүндхэн байсан ч 95 нас сүүдэртэйгээ эсэн мэнд золголоо. Гэвч тэрээр төрсөн өдрөө Притори дахь эмнэлэгт угтаж байна.
Тун хүнд байсан Н.Манделагийн бие сүүлийн хэдэн өдөр овоо дээрдэж байгаа тухай Өмнөд Африкийн Ерөнхийлөгч Жэйкоб Зума мэдэгдээд, түүний төлөө залбирч байсан бүх хүнд талархснаа илэрхийлжээ. Н.Манделагийн охин Зиндзи ч аавынх нь бие гайхалтай хурдан тэнхэрч одоо зурагт үзэж, хүмүүстэй харилцахдаа нүд, гараараа дохио өгч байгаа гэж ярьжээ.  
Амьдралынхаа ихэнх жилүүдийг буюу 67 жилийн турш Өмнөд Африкт тэгш эрх тогтоохын төлөө тэмцэж ажилласан  Н.Манделагийн алдар гавьяаг хүндэтгэж  өмнөд африкчууд өчигдөр 67 минутын сайн үйл хийсэн юм. Тэд сургууль, асрамжийн газрыг засч, эмнэлэг цэвэрлэн, ядууст хоол хүнс тараажээ.