Одоогоос таван жилийн өмнө Энэтхэгт 69 настай эмэгтэй хүүхэд төрүүлж, олны гайхашрлыг төрүүлж байсан. Тэр үед бараг нөгөө ертөнцөд очихын наахнуур хоёр яс салж, хүүхдээ төрүүлсэн Ражо Деви Лохан өнөөдөр охиноо таван нас хүргээд энх тунх амьдарч байна.
Ражо Деви Лоханыг залуу явах үед одоогийнх шиг үр шилжүүлэн суулгах шинжлэх ухааны ололт дэвшил гараагүй байсан тул насан туршдаа үр хүүхэдгүй явах нь гэж сэтгэлээр унаж явжээ. Гэвч 70 дөхсөн насанд нь олдсон боломжийг тэрээр алдахыг хүссэнгүй, амь насаараа дэнчин тавьж хүүхэдтэй болохоор шийджээ. Түүнд үр шилжүүлэн суулгахаар эмч нар нэлээн удаан эмчилгээ хийсэн бөгөөд амаржих үедээ бараг л амьсгал хураах дөхсөн байна. 
Гэвч амиараа дэнчин тавьж төрүүлсэн охин нь өдгөө ээждээ баясал бэлэглэж, дахин олон жил наслах хүсэл эрмэлзэл бэлэглэжээ. Ражо гуай охиноо 15 нас хүрч, хурим хийхийг нь л харвал насных нь хүсэл гүйцнэ гэж ярьж байна. Өндөр насандаа хүүхэд төрүүлсэн түүний бие амаржсаны дараа маш хүндээр өвдсөн ч тэрээр бурхнаас өгсөн бэлэг болох охиныхоо төлөө үхэж чадаагүй хэмээн өгүүлнэ. 
Ражо охинтойгоо бас нөхөртэйгөө, түүний залуу эхнэрийн хамт Энэтхэгийн алслагдмал нутаг Хиссар тосгонд амьдардаг аж. Хэдий тэрээр нас дээр гарсан, ажил хийж чадахааргүй эх хүн боловч охиндоо өвлүүлэх багагүй хэмжээний газартай учир ирээдүйд нь тийм ч их санаа зовохгүй байгаа гэнэ. 
Охины эцэг
Яагаад ч юм тэрээр охиноо яг л хүү шиг өсгөжээ.
