Хятадын Шандунь мужаас ирсэн 34 настай, хөгжлийн бэрхшээлтэй нэгэн эр Бээжингийн нисэх буудалд гар хийцийн бөмбөг дэлбэлсэн байна. Тэргэнцэр дээр суусан тэр эр эхлээд эрх баригчдыг шүүмжилж хашгиран гомдлоо бичсэн цаас тарааж байснаа сүүлд нь нисэх буудлын Т3 терминал руу орж гар хийцийн бөмбөгөө дэлбэлжээ. Гэрэлтүүлэг, салют хийдэг хар дариар хийсэн бөмбөг дэлбэрэх үеэр хөгжлийн бэрхшээлтэй эр өөрөө хүнд шархадсан байна. Түүнийг эмнэлэгт хүргэж эмч нар амийг нь аврахаар оролдож байна. Өөр хэн нэгэн шархдаагүй, нисэх буудал хэвийн ажиллаж байгаа юм байна.
Түүний хэлснээр бол эмч нарын буруугаас болж тэр эрхтнээсээ салж тахир дутуу болсон, өнгөрсөн 10 жилд энэ талаараа гомдол гаргаж олонтаа явсан ч төр засгаас харж үзээгүй юм байна.