Белгийн үе залгамжлах хан хүү байсан Филипп ням гарагийн  үд дунд Белгийн парламентад тангараг өргөлөө. “Би Белгийн ард түмний хууль, Үндсэн хуулийг дагаж, үндэсний эв нэгдэл, аюулгүй байдал, газар нутгийн бүрэн бүтэн байдлыг хангаж ажиллахаа тангараглаж байна” хэмээн шинэ эзэн хаан тангараглажээ.
Түүний тангаргийг тус улсад хэрэглэдэг нидерланд, франц, немц хэл дээр дамжуулсан байна. Өнгөрсөн 20 жил төрийн эрх барьсан Белгийн хаан Альберт II  хаан ширээ, эрх мэдлээ өөрийн хүү Филиппт  Үндэсний баярын өдөр буюу 21-ний өдөр шилжүүлнэ гэдгээ өмнө нь зарлаж гарын үсэг зураад байсан юм.
Шинэ хааны тангараг өргөх ёслолыг үндэсний телевизээр шууд дамжуулжээ.