АНУ-ын Тагнуулын төв газрын нууц материалыг задруулсан хэргээр эх орондоо буцах аргагүй болж Оросын нийслэл Москва хотын Шереметьевийн нисэх буудлын дамжин өнгөрүүлэх хэсэгт  сар гаруй хоргодож байгаа Эдвард Сноуден хөрштэй болжээ. Францын жуулчин Патрик Самборски бичиг баримтын зөрчлөөс болоод энд үлдэхээс аргагүй болсон байна. Орост аяллаар ирсэн түүний гадаад паспорт дээр түүнийг эмэгтэй гээд биччихсэн байсан нь ийм байдалд хүргэсэн байна. Женевээс нисч ирсэн франц эр хүйс солиулах мэс засал хийгээгүй гээд байдаг, гагцхүү Марселаас виз авахад нь алдаа гарсан байх гэжээ. Гэхдээ тэр энэ паспортаараа Орос, Украин, АНУ-д зорчоод амжсан байж. “Одоо би энд хүйсээ солиулсан  гэдгээ батлахгүй бол хэцүү байдалд ороод байна. Өнөөдөр өглөө “Аэрофлотын”-хон пампортыг минь хураагаад авчихлаа. Одоо би хаана  байгаагаа ч тодорхойлох аргагүй болж байна. Ядаж хувцасаа солимооор байна. Гэтэл чемоданаа ч авч чадахгүй байна. Би чинь одоо шорттой л явж байна шүү дээ” гэж Самборски хэлжээ. Өөр нэг эх сурвалж Францын ЭСЯ-ны хэвлэлийн төлөөлөгчөөс авсан мэдээллээр түүнийг франц руу буцсан гэж байгаа ч тэр паспортаа солиулж амжаагүй байгаа юм байна.