Испанийн Ерөнхий сайд Мариано Ражой авлига, хээл хахуулийн хэргээр парламентын гишүүдийн өмнө асуулгад орж байна. Түүний намын санхүүгийн албаны дарга асан Луйс Барсенас намдаа хууль бусаар хандив авч, түүнийгээ намынхаа лидерүүдэд хувааж өгсөн хэмээн буруутгаж байгаа юм. Нам дотор нь бугшсан энэхүү авлига, хээл хахуулийн хэргийн талаар үнэн зөв тайлбар өгөхийг хууль тогтоогчид шаардаж байгаа бол олон нийт түүнийг огцрохыг шаардаж байна. 

Харин Ерөнхий сайд Мариано Ражой энэ бүхнийг Испанийн нэр хүндийг дэлхий дахинаа унагах гэж зориудаар эхлүүлсэн явуулга хэмээн үзэж байгааг парламентад хандаж хэлжээ. Парламентын энэхүү хуралдааны эцэст түүний Засгийн газарт итгэл үзүүлэх эсэхээр хууль тогтоогчид санал хураах аж.