Хятадын Жилин мужийн Чанчун хотын нэгэн орон сууцны барилгаас үсэрч, амиа хорлох гэсэн залууг эхнэр нь аварчээ. Зургаан давхар орон сууцанд уг залуу амьдардаг бөгөөд гэрийнхээ цонхоор үсрэх  гэж байхдаа бодлоо өөрчилсөн бололтой, амьд гарах гэж 20 минут шахам нэг гараараа цонхноосоо зүүгдэж, эхнэр нь түүнийг татах гэж оролджээ. Залуу хувцас өмсөөгүй, ганцхан дотуур хувцастайгаа байснаас түүнийг татахад хүндрэлтэй байсан бөгөөд эхнэр нь хөлийг нь дотуур өмдтэй нь  давхар татаж байж аврагчид иртэл тэссэн байна. Хэдийгээр энэ явдлыг олон хүн харж, туслах гэсэн боловч хаалгаа цоожилсон байсан тул хөршүүд нь орж чадаагүй гэнэ.
Амиа хорлох гэсэн эрэгтэй 45 настай, ажил төрөл олдохгүй байгаагаас болж сэтгэлээр унаж, ийм үйлдэл хийхэд хүрчээ.