Тайванийн хууль тогтоогч гишүүд атомын цахилгаан станцын талаар иргэдээсээ санал асуулга авах эсэх талаар ширүүн маргалдаж, эцэстээ нударга зөрүүлэхэд хүргэжээ. Парламентын гишүүд баригдаж дуусаагүй  атомын дөрөвдэх цахилгаан станцыг гүйцээж  барих эсэх дээр санал зөрөлдөөд байгаа юм. Эрх баригч хүчин цөмийн эрчим хүчний эх үүсвэрийг нэмэгдүүлж одоо тасалдаад байгаа цахилгаанаа нийлүүлэх ёстой гэж үзэж байгаа бол сөрөг хүчин үүнийг хатуу эсэргүүцсэн байр суурьтай байгаа аж. Хоёр талын маргалдаан найман гишүүний зодоон, хоорондоо гурил, ус цацалцсан бөөн үймээн самуунаар дуусчээ.