АНУ-ын Төрийн департмент Хойд Африк, Ойрхи Дорнод дахь 21 Элчин сайдын яам, Консулын газраа түр хугацаагаар хаагаад байна. Террорист халдлага гарахаас сэрэмжлэн Абу Даби, Амман, Кайр, Риадх, Жедда, Доха, Дуба, Кувейт, Триполи зэрэг нэлээд хэдэн хот дахь ЭСЯ болон Консулын газар энэ долоо хоногт ажиллахгүй, хаалттай байх аж.
АНУ-ын тагнуулын алба Аль-Кайда бүлэглэлийн толгойлогч нарын хоорондын захидал харилцаанаас олж мэдсэнээр бол тус улсын Элчин сайдын яамд руу халдах төлөвлөгөө гаргасан байжээ. Энэ долоо хоногт дуусах лалын Рамадан сарыг тохиолдуулж халдлага зохион байгуулж болзошгүй хэмээн сэрэмжилж байгаа тул барууны зарим орон ч Ойрхи дорнод дахь ЭСЯ-аа түр хугацаагаар хааж, иргэдийг энэ бүс нутагт очихгүй байх, очсон ч олон нийт цугларсан газар, нийтийн тээврээр зорчихгүй байхыг анхааруулж байна.
