Бээжин хотын нэгэн орон сууцны барилга дээр профессор Жан Лин гэгч өөрийн эдлэн газраа бий болгожээ. Тэрээр зургаан жилийн турш чулуу, шороо, шавар зэргийг орон сууцны барилгын дээвэр рүү зөөсөөр ийм хад чулуутай цэцэрлэгийг бий болгож. Гэвч түүний энэ эдлэн өөрөөс нь өөр хэнд ч таашаал төрүүлэхгүй байна. Учир нь, өөрийн дураар барьсан энэ цэцэрлэг нь барилгын даацыг хэтрүүлснээс одоо доорхи айлуудынх нь хана, тааз цуурч, бороо орохоор дусаал гоожихоос эхлээд асуудал бэрхшээл ундрах болжээ. Жан профессорын эдлэн газартай болох гэсэн мөрөөдөл байрныхаа айлуудыг орон гэргүй ч болгож мэдэхээр байна. Оршин суугчдын гомдлын дагуу одоо барилгын чанарыг шалгаж буй бөгөөд дүгнэлт гарсны дараа түүний цэцэрлэгийг нураан зайлуулж, барилгыг аюулгүй болгох арга хэмжээ авах бололтой.