АНУ-ын Атланта хотоос холгүй Декатур хотод нэг этгээд сургуульд дотор гал нээсэн аймшигт хэрэг дахиад л гарлаа. Атлантагийн  хот орчмын иргэн, 20 настай Майкл Брэндон Хилл гэгч 20-ны өдөр Калашниковын автомат өөр бас хэд хэдэн буутай дайран орж гал нээсэн байна. Тэр дараа нь хэд хэдэн багшийг барьцаалж байгаад дараа нь суллажээ. Тэр агаарт хэд хэдэн удаа буудсан, хэн нэгэн өртөөгүй гэж байна. Гэмт этгээд өөрөө сургуулийн захиргаанаас цагдаагийнхан болон орон нутгийн телевизийн сурвалжлагчдыг дуудахыг хүсч хууль сахиулагчдыг ирэхэд өөрөө бууж өгчээ. Барилгаас бүх хүүхдийг нүүлгэн шилжүүлж аюулгүй газарт гаргасан байна.  
Цагдаагийнхан гэрт нь очиж нэгжлэг хийхэд гэрээс нь зэвсэг, тэсрэх бодис олдоогүй байна. Харин яагаад сургуульд дайран орж  гал нээсэн нь тодорхойгүй байгаа юм байна.
Энгийн хүмүүс, ялангуяа сургуульд дайран орж хүүхэд багачууд руу гал нээх явдал АНУ-д дараалан гарч олныг түгшээх болоод байгаа юм. Коннектикут мужийн Ньютаун хотын бага сургуульд гэмт этгээд гал нээж 29 хүний амь бүрэлгэсний 20 нь бага насын хүүхэд байсан юм.