Эрчим хүчний яам Олон улсын сэргээгдэх эрчим хүчний агентлагтай хамтран “Монгол Улсын сэргээгдэх эрчим хүчний бэлэн байдал” хэлэлцүүлэг маргааш эхэлнэ. Уг хэлэлцүүлэг нь Эрчим хүчний сайд М.Сономпил 2013 оны нэгдүгээр сард ОУСЭХА-ын lll ассемблейд оролцох үеэрээ хамтын ажиллагаа, СЭХ-ний бэлэн байдлын судалгаанд хамтран ажиллах гэрээнд гарын үсэг зурсны дагуу хийж байгаа юм байна. Энэ хэлэлцүүлэгт гадаад дотоодын мэргэжилтнүүд, IRENA-гийн Газрын дарга Гаури Сингх, Энэтхэгийн Сэргээгдэх эрчим хүчний сайдын үүргийн дагуу зочилж буй Газрын дарга зэрэг олон улсын шинжээчид оролцож Монгол улсын СЭХ-ийн хөгжил, нөөц, цаашдын хөгжлийн гарц зэргийг хэрхэн тодорхойлох талаар ярилцах аж. Хэлэлцүүлэг хоёр өдрийн турш Туушин зочид буудалд болох юм байна.