АНУ тэргүүтэй барууны орнууд Сири улс руу цэргийн хүчээр довтолбол зохих хариуг нь өгнө, америк английн Сири лүү харвасан пуужин бүрийн эсрэг бид 3-4 пуужин харвана гэж Сирийн цэргийнхэн омог бардам мэдэгдэж байна.
Тэгэхээр Сири улс ямар зэвсэгт хүчинтэй юм бэ, хэдий хүн хүч, зэвсэг техниктэжй юм. Ер нь ямар хүчээр барууны орнуудын цэргийн хүчний эсрэг байлдах юм бол.

Сирийн хуурай замын цэрэг бол 220 орчим мянган хүнтэй. Энд армийн гурван корпус, механикжуулсан 3, хуягт танкийн 7, нэг тусгай, бүгднайрамдах улсын гвардийн нэг дивизээс бүрдсэн нийт 12 дивиз, 13 тусгай бригад, тусгай үүргийн 10 хороо, танкийн нэг тусгай хорооноос бүрдэнэ. Нөөцөд танкинй дивизийн штаб, танкийн хоёр, явган цэргийн 31, их бууны гурван хороо бас байгаа.

Агаарын цэргийн нисэх хүчин нь 40 мянган хүнтэй 1950-иад оноос ЗХУ-ын зэвсэг техник худалдан авч байсан. Зэвсэглэлд нь ихэвчлэн хуучин ЗХУ-ын сөнөөгч, бөмбөгдөгч оногоцууд бий.
Энд зөвлөлтийн Су-24, Су-22 маркийн сөнөөгч,онгоц болон олон зориулалтын сөнөгч бөмбөгдөг онгоц 60, МиГ маркийн сөнөөгч онгоц 380 орчим, ЗХУ болон Францын үйлдвэрийн тээврийн онгоц 24, олон зориулалтын нисдэг тэрэг /ихэвчлэн зөвлөлтийн Ми маркийн / 209 байдаг юм байна.
Байлдааны энэ зэвсэглэл нь нийт 50 гаруй эскадрильд харьяалагддаг юм байна. 2013 оны долдугаар сарын байдлаар Сирийн агаарын цэргийн хүчин тус улсад болж байгаа иргэний дахйны явцад янз бүрийн шалтгаанаар 30 гаруй онгоц, нисэдэг тэргээ алдсан гэсэн тоо бас бий.

Сирийн тэнгисийн цэргийн хүчин нь 7,6 мянган хүнтэй. Үүн дээр нөөцийн 2600 хүн бас бий. Тэнгисинй цэргийн хүчинд 633 загварын усан доогуур явагч гурав бий.
Тэнгисийн цэргийн флотод харуулын хоёр хөлөг, десантын дунд хөлөг гурав, өөр бас дөрвөн хөлөгтэй. Үүний дээр байлдааны 16 хөнгөн хөлөг, эргүүлийн завь 11 байдаг байна. Тэнгисийн цэргийн флотын мэдэлд байлдааны 23 нисдэг тэрэг байдаг байна.


Эргийн хамгаалалтын алба нь  Тэнгисийн цэргийн флотод харьяалагддаг. Эргийн их бууны хоёр дивизион, явган цэргийн хоёр бригад, “Бастион” комплексийн хоёр дивизионоос бүрддэг байна. Өөрөө явагч бүхий 12 батарейтай.
Сирийн агаараас эсэргүүцэн хамгаалах цэрэг нь 60 мянган хүнтэй юм байна.

 Агаараас эсэргүүцэн хамгаалах хүчин үндсэндээ оросын зэвсэглэлтэй. Энд зенитийн 900 орчим суурь, 23-100 мм-ийн калибртай агаарын 4000  орчим буу, 300 орчим харвах төхөөрөг бий. Мөн алсын тусгалын С-200 “Ангара”,  С-200В “Вега” зэрэг пуужингууд бий гэдэг. Оросын “Панцирь” пуужингийн суурь 36, 20-4 км харвах чадалтай пуужингийн комплекс 50 зэрэг зэвсэглэлтэй. Сири улс саяхан ОХУ-аас алсын тусгалын буюу 150 км харвах чадалтай С-300ПМУ маркийн пуужингийн дөрвөн дивизион зохион байгуулж оросны мэргэжилтнүүдээр туслуулж байгаа гэсэн мэдээлэл бас байгаа.