1944 оны зургадугаар сарын 10-ны өглөө германы гауптштурмфюрер Канаар толгойлуулсан “Дер Фюрер” хорооны нэгдүгээр батальон францын Орадур-сюр-Глан тосгоныг бүслэн оршин суугчдыг нь тосгоны төвд цугларахыг тушаан эрчүүдийг  бүгдийг нь буудан хороосон байна. Эндээс ердөө таван эрэгтэй л зугтааж, 197 хүн амь үргэдсэн гэдэг.
Харин эмэгтэйчүүд хүүхдүүдийг бүгдийг нь сүмд оруулан гал тавьж сүмээс гарахыг оролдсон хүмүүсийг буудан хорооход  нийтдээ 240 эмэгтэй, 205 хүүхэд алагдаж ганцхан эмэгтэй амьд гарсан байна.

Тосгоныг бүхэлд нь галдаж сүйтгэжээ. Дайны дараа 1953 оны арванхоёрдугаар сарын 12-нд Бордо хотноо энэ аллагад оролцосон 200 цэргээс 65-ыг нь шүүх хурал эхэлсэн байна. Гэхдээ 28 хүн л шүүхийн өмнө очиж бусдыг нь ардчилсан германы талд шилжүүлэн өгчээ.
 Энэ тушаалыг өгсөн генерал Карл-Ханс Ламмердинг шүүхийн шийдвэр хүлээлгүйгээр 1971 онд нас барсан бол салааны дарга унтерштурмфюрер СС Хайнц Бартыг 1983 онд Ардчилсан германд бүх насаар нь хорих ялаар шийтгэж 1997 онд өвчний учир сулласан байна.
 
Харин энэ аймшигт  хэргийн ул мөр болсон Орадур-сюр-Глан тосгон өнөө болтол дэлхийн хоёрдугаар дайны аймшигт ул мөрийн гэр болон яг хэвээрээ, дайны аймшгийг сануулах үзмэрийн хот болон  байсаар байгаа нь энэ.