Өвөлжилтийн бэлтгэл аж­лыг хангахтай холбогдуулан нийс­лэлийн Засаг даргын Хот байгуулалт, хөрөнгө оруу­лалтын асуудал хариуц­сан ор­логч С.Очирбат, нийс­лэлийн За­саг даргын Хөдөл­мөр эрх­лэлт, нийгмийн асуу­дал ха­риуцсан орлогч Ц.Буян­да­­лай, Улаанбаатар хотын Ерөн­­хий менежер бөгөөд За­­хирагчийн ажлын албаны дар­­­га Б.Бадрал нар  өнгөрөгч амралтын өд­рүүдэд “ДЦС-4” компанийн үйл ажиллагаатай та­нилц­лаа.  Тус  станц 1983 онд бай­гуулагдсан бөгөөд Тө­вийн бү­сийн ца­хил­гаан эрчим хүч­ний хэрэг­лээний 70 хувийг, Улаан­баатар хотын дулааны эр­чим хүчний 65 хувийг дан­гаа­раа хангадаг Монгол Ул­сын эрчим хүчний хамгийн том үйлдвэрийн нэг. “ДЦС-4” өнөөд­­­­­­­­рийн байдлаар найман зуух, зургаан турбен генератор буюу цахилгаан үүсгэгчтэй, долоо дахь гене­ра­торыг суу­рилуулахаар ажил­лаж бай­на. Мөн “ДЦС-4” ТӨХК цахил­гаан, дулааны эрчим хүчийг хам­гийн бага зардлаар үйлд­вэрлэж, нийлүүлэх цаа­шил­бал эрчим хүчний үйлдвэ­рүү­дийн хувьсал, хөгжлийг тодорхойлогч байхыг эрмэлзэн ажиллаж байгаа гэсэн.  Улс орон хөгжихийн хэрээр цахил­гаан, дулааны эрчим хүчний хэ­рэглээ нэмэгдэж байдаг тул барилгын их засварын ес, урсгал засварын 27 ажил тө­лөвлөснөөс 75-85 хувийн гүй­цэт­гэлтэй явж байгаа гэнэ. Өв­лийн их ачааллын үед тоног төхөөрөмжийн хэвийн найдвартай ажиллагааг хангах үүднээс  өвөлжилтийн бэлтгэл ажил 88.8 хувийн биелэлттэй байна.