Энэтхэгийн Мадхья Прадеш мужид болсон шашны баярын үеэр сүмийн үүдэнд цугласан олон үймэлдэхэд 50 гаруй хүн шахагдан амиа алдсан тухай “Times of India” сонин мэдээлж байна. Датиа нэртэй хотоос 60 км-ийн зайтай байдаг сүмийн өмнө болсон баярын үеэр хэдэн арван мянган хүн цугларчээ. Цугларсан олныг Синд голын дээгүүр тавьсан гүүрээр гарах үед нурж магадгүй нь гэсэн цуу яриа тарсны улмаас хүмүүс үймэлдэн нэгнээ дайрч эхэлсэн байна. Үүний улмаас ийнхүү 50 гаруй хүн эмгэнэлтэйгээр амиа алджээ.