Малайзын шүүхээс “Аллах” гэдэг үгийг тус улсын лалын шашинтан бус хүн хэрэглэхийг хориглосон заалт гаргасан нь олны анхаарлыг ихэд татаж байна. Ингэснээрээ шүүх нь Засгийн газраас гаргаад байсан шийдвэрийг дэмжлээ. Ийм шийдвэр гаргасан шүүгч нь “Аллах” гэдэг үгийг лалын шашинтан бус хүн хэрэглэх нь нийгэмд зөрчилдөөн үүсгэх аюултай гэж мэдэгдсэн аж. Энэ шийдвэрийг малайзын хэт явцуу үзэлт лалын шашинтнууд ихэд талархан угтсан бол христийн шашинтнууд нь араб гаралтай “Аллах” гэдэг үгийг лалын шашин үүсэхээс олон зууны тэртээгээс хэрэглэж ирсэн болохоор шийдвэрийн дагуу давж заалдана гэдгээ мэдэгдсэн байна.