Румынын Батлан хамгаалах яам 186,2 сая еврогоор Португалиас ашиглагдаж байсан 12 ширхэг “F-16AM/BM Fighting Falcon” сөнөөгч онгоц худалдан авах гэрээ байгуулсан байна. Гэрээний дагуу эхний ээлжинд Португалийн нисэх хүчний бүрэлдэхүүнд байсан есөн онгоцыг авах бол Америкчууд Португальд гурван онгоц шилжүүлсний дараа дамжуулан худалдаж авах аж. Энэ гурван сөнөөгч онгоцыг Америкчууд илүүдэл зэвсэглэлийг цомхотгох хөтөлбөрийн хүрээнд Португальд өгч байгаа гэнэ.  
Португальчууд энэ мөнгөнөөс78 сая еврог л авах бөгөөд үлдсэн хэсгийг хэрэглэж байсан онгоцуудад засвар хийх, шинэчлэх, тоног төхөөрөмж Америкаас худалдан авахад зарцуулах юм байна. Ийнхүү шинэчлэх, засварласан сөнөөгч онгоцуудыг 2017 оноос Румынын нисэх хүчинд зэвсэглэлдээ авах аж. Румынчууд 2010 онд олонд танилцуулсан цэргийн нисэх хүчнийг шинэчлэх хөтөлбөрийг дагуу эхний ээлжинд хуучин ашиглагдаж байсан 24 ширхэг “F-16” худалдан авч, хоёр дахь шатанд 24 шинэ “F-16 Block 50/52” аваад гурав дахь шатанд 24 “F-25A Lightning II” авна гэж байсан юм. Гэвч хожим нь санхүү хүрэлцэхгүйн улмаас худалдан авах онгоцны тоог цөөлж байсан юм.
Эдгээр “F-16” сөнөөгч онгоц нь Румынын нисэх хүчинд одоо байгаа зөвлөлтийн үеийн хуучирсан “МиГ-21” онгоцыг орлоно.