Хятадын нэгэн залуу гэр бүл мэндлээд ердөө долоо хоносон бяцхан охиноо худалдаж, олсон мөнгөөрөө iPhone утас болон бас бус тансаг хэрэглээний зүйлс авсан нь илэрчээ. Жан, Тен хэмээх гэр бүлийн хоёр хүүхдээ төрөөгүй байхад нь нэрээ нууцалж сонинд зар тавьсан байна. Тэд хүүхдээ 50 мянган юаниар худалдах санал тавьжээ. Энэ зарыг ажиглаж байсан Шанхайн цагдаагийн газар тэднийг хүүхдээ төрүүлээд долоо орчим хоногтой байхад нь худалдаж, банкинд байршуулсан мөнгөөрөө худалдаа хийж байхад нь баривчилсан байна. Эхнэр нөхөр хоёр хүүхдээ худалдсан мөнгөөр юун түрүүнд iPhone утас болон брэнд хувцас, тансаг хэрэглээний эд зүйлс худалдан авсан гэнэ. Тэд хоёр хүүхэдтэй бөгөөд эрхэлсэн ажилгүй учир шинэ төрсөн хүүхдээ сайхан орчинд өсч, сайн боловсрол эзэмшээсэй гэсэндээ худалдсан гэж цагдаад мэдүүлжээ. Гэвч эхнэр нөхрийг хоёуланг нь хүн худалдсан хэрэгт буруутган, хэдэн арван жилийн ял өгөхөөр төлөвлөж байгаа аж.