АНУ-ын Флорида мужийн Апопка хотын супермаркет руу хоёр метр урттай том матар орж “үйлчлүүлэх” гэсэн ч яг хамрынх нь өмнө  өөрөө нээгддэг хаалга нээгдэж хаагдаад байхаар нь бага зэрэг гайхан зогтусчээ. Энэ үеэр дэлгүүрийн ажилтнууд матрыг харж цагдаад мэдэгдсэнээр тэд ирж матрыг холдуулах гэж хэдэн цаг зарцуулсан байна. Харин дэлгүүрээр үйлчлүүлэгчид, гудамжаар явж байсан хүмүүст шинэхэн үзмэр болж зургийг нь авцгаажээ. Матар дэлгүүрээр үйлчлүүлэхээ болиод холгүй байх цөөрөм рүү буцсан байна.