Америкийн Батлан хамгаалах яам нисэх онгоц тээгч  “Форрестол” усан онгоцыг “All Star Metals”  компанид нэг центээр төмрийн хаягдал болгон заржээ. Цагтаа “Форрестол” нисэх онгоц тээгч нь Америкийн Тэнгисийн цэргийн хүчний хамгийн том усан онгоц, техникийн гайхамшигт  тооцогдож байлаа. 1954 онд энэ аварга том усан онгоцыг 217 сая ам.доллараар барьж ашиглалтад оруулж байв. Энэ нь одоогийн ханшаар хоёр тэрбум ам.доллар болж байгаа юм.
“Форрестол” байлдааны олон ажиллагаанд оролцож байсан алдартай онгоц байжээ. Вьетнамын эрэг орчим Тонкины буланд техникийн саатлын улмаас тус онгоцон дээр цуврал дэлбэрэлт болоход 134 цэргийн албан хаагч амиа алдаж, 161 нь шархдаж байсан юм. Шархдан амьд үлдсэн хүмүүсийн дотор одоогийн Бүгд найрамдах намаас сенатат сонгогдсон гишүүн Маккейн байжээ.