Гүржийн сонгуулийн төв байгууллагын урьдчилсан мэдээгээр тус улсад өчигдөр болсон Ерөнхийлөгчийн сонгуульд барууны  “Гүржийн мөрөөдөл” эвслээс нэр дэвшигч Георгий Маргвелашвили 63,82 хувийн санал аван тэргүүлж байгаа юм байна. Түүний өрсөлдөгч, өнөөгийн ерөнхийлөгч Саакашвилигийн “Үндэсний хөдөлгөөний нэгдэл” намаас нэр дэвшсэн Давид Бакразе 21,28 хувийн санал авчээ. Энэ удаагийн сонгуульд 23 хүн нэр дэвшин өрсөлдсөн нь тус улсын түүхнээ хамгийн олон нэр дэвшигч болж байгаа юм. Гуравдугаар байрт “Нэгдсэл Гүрж-Ардчилсан хөдөлгөөн” намын нэр дэвшигч Нино Буржаназе 9,51 хувийн санал аван оржээ. Ерөнхийлөгчийн сонгуулийн нэрсийн жагсаалтад гүржийн  гурван сая 537 мянган сонгогч бичигдсэн юм байна. Сонгуулийг ячмар нэг будлиан, зөрчилгүй болсон гэж сонгуулийн төв байгууллага мэдээлжээ. Сонгуулийн эцсийн дүн гараагүй байна.