Венесуэлийн Ерөнхийлөгч Николас Мадуро зарлиг гарган арванхоёрдугаар сарынг 8-ныг ерөнхийлөгч Уго Чавес агсныг  хайрлах, үнэнчээ илэрхийлэх өдөр болгон албан ёсоор зарлалаа. Шинэ баярын албан ёсны нэр нь “Дээд ерөнхий командлагч Уго Чавес болон эх орноо хайрах, үнэнчээ илэрхийлэх өдөр” юм байна. Уго Чавес нас барахынхаа өмнө хамгийн сүүлчийн удаа ард түмэндээ хандаж үг хэлсэн өдрийг сонгож ийм баяр болгожээ. Зарлигт энэ өдрийг орон даяар Чавесын дурсгалыг хүндэтгэж олон төрлийн арга хэмжээ зохион байгуулж байхыг заажээ.
Венесуэлийн өмнөх Ерөнхийлөгч Уго Чавес хорт хавдрын улмаас Кубад хэдэн сар эмчлүүлснийхээ дараа энэ оны гуравдугаар сард нас барсан юм. Тэрээр нас барахынхаа өмнө өөрийнхөө залгамжлагчаар дэд ерөнхийлөгч Николас Мадураг нэрлэсэн юм.