Хятадын Коммунист намын (ХКН) гол хурал өнөөдөр эхэлсэнтэй холбогдуулан Бээжин хотын төвд аюулгүй байдлыг дээд зэргээр чангатгаад байна.

Тянаньмэний талбайн ойролцоо хүний аминд хүрсэн автомашины осол гарч,  Шаньси мужийн Тайюань хотын Коммунист намын байрны ойролцоо цуврал дэлбэрэлт болсны дараахан уг уулзалт болж байна.

ХКН-ын Төв хорооны (ТХ) гуравдугаар бүгд хурал бямба гаргаас эхлэн дөрвөн хоног үргэлжилнэ.

ТХ нь тус намын удирдах дээд байгууллагуудын нэг юм. Таван жил тутамд чуулдаг тус намын их хурлын гишүүдийг сонгодог билээ.

Энэ удаа эдийн засгийн бүтцийн шинэчлэлтийн асуудалд онцгой анхаарал хандуулах ажээ.

Тяньаньмэний талбай, хурал болж буй газрын ойролцоо болон Бээжингийн гол замуудын уулзварт цагдаагийн олон албан хаагч байрласан байна.

Үймээн дэгдээж болзошгүй этгээдүүдийг илрүүлэхээр цагдаа нар машин бүрийг зогсоон шалгаж байгаа ажээ.