АНУ-ын Төрийн нарийн бичгийн дарга асан Кондолиза Райст Пенсильванийн мужийн их сургуулиас ерөнхийлөгч болох санал тавьжээ. Гэвч хатагтай Райс одоо ажиллаж буй Стэнфордын их сургуульдаа үлдэхээр шийдсэн байна. Төрийн нарийн бичгийн даргын албаа өгснөөс хойш Стэнфордод тогтвортой ажиллаж байгаа тэрээр улс төр судлалын профессор юм. Хэдийгээр Пенсильванийн их сургууль сайн ч гэлээ Кондолиза Райс Стэнфорддоо үлдэхийг эрхэмлэж байна хэмээн түүний албанаас мэдэгджээ.