Хоёр өдрийн өмнөөс интернэт ертөнцөд Ларьдма киног шууд үзэхээр хэмээн хэд хэдэн сайт тавьж, үзэгчид ч чамгүй үзсэн. Мэдээж IPTV-ийн санд орчихсон болохоор интернэтэд хууль бусаар хулгайгаар ашиглах нь юу ч биш л биз. Гэвч киноны уран бүтээлчид ирэх бүтэн сайнд Сөүлийн Чинмүро дүүргийн Дайхан кино театрт гаргахаар төлөвлөөд багагүй ажил зарцуулсан гэнэ. Өчигдөр тус киноны ерөнхий продюссер Б.Навчаа их ууртайгаар оюуны өмчийг зөвшөөрөлгүйгээр хулгайлсан хэд хэдэн сайтын албан ёсоор хаалгаж байгаагаа фейсбүүктээ бичжээ.
Тэрээр “Оюуны өмч хулгайлагч, арчаагүй аргаар мөнгө ологсдын буруу аргаа ажиллуулж байгаа сайтуудыг устгуулна гэсэн бол устгаж чаддаг гэдгээ нотолж, одоогийн байдлаар манай киног тавьсан saak.biz, mongolbox.com,  bidkino зэргийг устгаж, өнөө орой huurhun tk Tvaguuco.blogspot.com зэргийг устгана. Өөр хулгайгаар тавьж устгуулах сайт байна уу. Би хэлсэн амандаа харин нэг хүрдэг хүн шүү” хэмээн нэлээн бухимдсан байртай өгүүлжээ. Мөн хэзээ нэгэн цагт алдагдана гэдгийг нь мэдэж байсан боловч солонгос руу гаргах гэж дэмий  цаг зав үрлээ. Билет авсан хүмүүсээсээ уучлалт хүсье гэж бичсэн байна.