Америкийн Флорида мужийн эрэг орчим  Маймаас холгүй нисч явсан хөнгөн онгоцыг өнгөрсөн баасан гарагт 609 метрийн өндөрт нисч байхад нь нэг зорчигч далай руу унасан байна. Нисгэгчийн хэлснээр бол зорчигч “зүгээр л хойд хаалга нээгээд онгоцноос үсэрчихжээ”.  Эргийн хамгаалалтынхан, аврагчид далайд унасан зорчигчийг хайж байгаа юм байна. Онгоц харин ямар нэгэн сааталгүйгээр Майамагийн нэг нисэх буудалд газарджээ.

Онгоцон дотор хэдэн зорчигч, ямар зорилгоор хаанаас хаашаа нисч  явсан тухай мэдээлээгүй байна. Харин далайд унасан 42 настай зорчигчийн цогцосыг ням гарагт олжээ.