ОХУ-ын Татарстаны Набережный Челна хотод нэгэн зэрэг, ердөө нэг минутын зайтай төрсөн хоёр хоёр ээжийн хүүхдийг эмнэлгийн ажилтнууд солиод өгчихсөн тохиолдол гарчээ. Энэ оны наймдугаар сард энэ хотын 27 настай эмэгтэй, Мензалинскийн 31 настай эмэгтэй хоёр зэрэг төрж хоёулаа охинтой болжээ. 27 настай хүүхний хүүхэд төрөхдөө 2,8 кг жинтэй төрсөн гэнэ. Гэтэл хүүхдээ хөхүүлэх үед 3,3 кг жинтэй болчихсон, танигдахгүй байсан байна. Залуу ээж энэ талаар эх баригчид хэлж алдаа гарсан юм биш үү гэхэд эмч нар няцааж, хүүхэд солигдох ямар ч үндэс байхгүй гэжээ.

Ээжүүд хүүхдээ авч гэр гэртээ очсон ч энэ явдал санаанаас нь гарсангүй, ДНК-гийн шинжилгээ өгч хүүхэд солигдсон болохыг тогтоожээ. Ингээд ээжүүдийг эмнэлэгт хэвтүүлэн сэтгэл зүйчид туслалцаа үзүүлж байгаа юм байна. Бүсгүйчүүд солигдсон ч гэсэн гэртээ авч харьсан хүүхдээ хэрхэн хайрлаж байсан тухайгаа нулимс дуслуулан ярьцгааж байна.