Америкийн Иллинойс ба зэргэлдээх мужуудыг дайрсан олон тооны торнадо хуй салхи ихээхэн эвдрэл сүйрэл учруулж, таван хүний аминд хүрсэн тухай “Ассошейтэд пресс” агентлаг мэдээлж байна. Өнгөрсөн ням гарагт Америкийг дайрсан олон тооны хуй салхинд Иллинойс муж хамгийн ихээр хохирчээ. Тус мужийн нэгэн жижиг хотод торнадо 70 орон сууцыг устгасан,Чикаго хотын хоёр ч том нисэх буудлыг хаахаас өөр аргагүй болгосон төдийгүй олон арван мянган хүн утсан холбоогүй, 350 мянган хүн цахилгаангүй болсон байна. Цаг уурын мэргэжилтнүүдийн тогтоосноор өнгөрсөн ням гарагт энэ бүс нутгийг 65 торнадо дайрчээ. Эрх баригчид торнадо дайрч гарсан хотууд, тосгоныг дайны үеэр бөмбөгдүүлсэн хотуудтай зүйрлэсэн байна.