Саудын Аравийн эрх баригчид сүүлийн хоёр долоо хоногийн дотор тус улсын нутагт хууль бусаар орж ирэн хөдөлмөр эрхэлж байсан 60 мянган цагаачдыг албадан нутаг буцаасан тухай тус улсын Дотоод хэргийн сайд Мухаммед бен Наиф мэдээлжээ. Ийнхүү хууль бус цагаачдыг албадан гаргах арга хэмжээ нь хугацаагаар хязгаарлагдаагүй болохоор цаашид ч тасралтгүй үргэлжилнэ гэдгийг сайд онцолсон байна.
Энэ ажиллагаа эхлэхээс өмнө ажил хийхээр хууль бусаар орж ирсэн цагаачдыг энэ сарын 3-ны дотор бүх бичиг баримтаа цэгцлэн зөвшөөрөл авах эсвэл сайн дураараа явахыг санал болгосон байжээ.
Саудын Аравийн эрх баригчид гадаадын ажиллах хүчний хараат байдлаасаа салах, өөрийн залуучуудаа ажлын байраар хангах хөтөлбөрийг хэрэгжүүлж байгаа юм.