Энэтхэгийн дорно зүгийн Патна хотоос Колкат хотод нисч ирсэн Jet Airways нисэх компанийн онгоцны ариун цэврийн өрөөнөөс эзэнгүй орхигдсон 24 ширхэг алтан гулдмай олдсон байна. Нисэх буудлын ажилтнуудын хэлснээр бол одоо хууль сахиулах байгууллагынхан тэр үнэт зүйлийг авч явсан зорчигчийг тодруулах ажил хийж байгаа юм байна. Энэтхэгийн гаалийн байгууллагын эх сурвалжийн хэлж байгаагаас үзэхэд тус оронд үнэт металл хууль бусаар оруулж ирэх явдал өсч байгаа юм байна. Энэ нь Засгийн газар гадаадаас орж ирж  байгаа алтны гаалийн татварыг гурав дахин өсгөсөнтэй холбоотой гэнэ.
Энэ үнэт металл худалдан авах явдал Энэтхэг улс, хөрш Хятадын хооронд багагүй асуудал болж байгаа юм. Дэлхийн алтны зөвлөлийн мэдээгээр энэ оны эхнээс Энэтхэг 715 тонн алт худалдан авсан бол Хятад 780 тонн алт худалдан авсан юм байна.