Америкийн Флорида мужийн Форт-Мейерс хотын иргэн 21 настай Эндрю Соса гэгч дөрвөн сартай хөхүүл охиноо машин дотроо түгжиж орхиод тайчигчдын клубт орсон байсныг цагдаагийнхан саатуулсан байна. Клубын дэргэд тавьсан машин дотор бяцхан хүүхэд байхыг дэргэдүүр нь өнгөрч явсан хүмүүс хараад цагдаад дуудлага өгчээ. Цагдаагийнхан машины эзнийг тэр дор нь олж чадаагүй болохоор цонхыг нь хагалан хүүхдийг гаргаж авсан байна. Охиныг тэр дор нь эмнэлэгт хүргэсэн ч азаар ямар нэгэн аюул тохиогоогүй байж. Цагдаагийнхан хөөцөлдөж байж машины эзэн, охины эцэг нь 21 настай Эндрю Соса гэгч байсан, охиноо орхиод лавтай гурван цагаар явсаныг тодруулжээ. Түүнийг эцгийн үүргээ биелүүлээгүй, бяцхан охиныг аюултай байдалд орхисон гэж үзэн шүүхээр оруулан 100 мянган доллараар торгохоор шийтгэжээ.
Ийм явдал эмгэнэлтэйгээр төгсч байсан түүх нэг биш. 2008 онд ой хагастай жаал Дима Яковлевыг оросоос үрчилж авсан эцэг Майлс Харрисон нь 50 градусын халуунд машин дотроо орхиод 9 цаг болсноос болоод амь алдаж байсан юм.