Латин америкийн Уругвай улсын ерөнхийлөгч Хосе Мухика бүрэн эрхийнхээ хугацааг дуусмагц ойрынхоо дүүргээс 30-40 хүүхэд өргөн авч өсгөхөөр бодож байгаагаа сэтгүүлчдэд ярьжээ. 78 настай Мухикагийн бүрэн эрхийн хугацаа 2015 оны гуравдугаар сард дуусна. Тэрээр бүрэн эрхийн хугацаагаа дуусахаар юу хийх вэ гэсэн  сэтгүүлчийн асуултад өмнө нь тосгондоо очиж тайван амьдарна гэж хариулж байсан юм. Харин нутгийн яармаг худалдаанд цэцэг худалдах эсэхээ хэлээгүй байна.
Хосе Мухика Латин америкийн хамгийн сонин амьдралтай төрийн тэргүүн гэж болно. Тэр 69 настай гэргийтэйгээ хамт ерөнхийлөгчийн харшид биш харин Монтевидогийн ойролцоох ерийн нэгэн байшинд амьдарч, 1987 оны Volkswagen Beetle унадаг юм. Өөрийн гэсэн хүүхэдгүй ерөнхийлөгч бас цалингийнхаа 90 хувийг буяны санд хандивладаг байна.