Сиао Вей өнгөрсөн сарын 10-нд ажлаа хийж яваад үйлдвэрийн осолд өртөж, баруун гараа бугалгаар нь тайрч орхижээ. Юу ч болсныг ч ойлгохгүй балмагдаж орхисон түүнийг хамт ажиллагсад нь орон нутгийн эмнэлэгт авчирсан ч тайрсан гарыг нь яаж залгахыг тэндэхийн эмч нар мэдэхгүй гэдгээ хэлжээ. Ингээд түүнийг мужийн том эмнэлэгт долоон цагийн дараа хүргэж ирэхэд тэндэхийг эмч нар ч гарыг нь хэрхэн залгах аргаа тэр дороо олж чадсангүй. Гэвч өвчтөний гарыг нь үхжихээс сэргийлж, дараа залгахын тулд  хөлтэй нь түр зуур залгаад орхижээ. Ингээд нэг сар орчмын дараа Чаншагийн эмнэлэгт залуугийн гарыг залгах мэс засал хийсэн бөгөөд эмч нар нь түүнийг бүрэн эдгэрч, гараа урьдын адил хөдөлгөж чадна гэж итгэж байна. Гэхдээ үүний тулд тэрээр дахин хэд хэдэн мэс засалд орох шаардлагатай гэнэ.