ОХУ-ын Сибирийн Хуучин Тартас тосгоны ойролцоогоос археологичид эртний үл мэдэгдэх шарил олсон байна. Хэдэн арван ийм шарилд хүмүүсийг хос хосоор нь өөдөөс нь харуулан оршуулсан бол зарим нь бүр гар гараасаа барьсан байжээ.
Энэ оршуулгыг хүрлийн үеийн буюу лавтай 3500 жилийн настай гэж эрдэмтэд үзэж байна. Ингэж хүмүүсийг хосоор нь, өөрөөр хэлбэл гэр бүлээр нь оршуулсан шарил анх удаа олдож байгаа нь энэ гэнэ.
Археологичид энэ сонин оршуулгын талаар хэд хэдэн хувилбар санал дэвшүүлээд байна. Манай эриний өмнөх хоёрдахь мянганы үед Сибирийн нутагт байсан андроновын соёл иргэншлээр бол өнөөгийн гэр бүлийн анхны хэв загвар бий болж байсан бололтой.
Эрдэмтэд бас энэ үед нөхрийг нь нас бармагц, эхнэрийг нь хамт оршуулдаг байсан нь энэ гэсэн санал гаргаж байна.
Нөгөө нэг хэсэг эрдэмтэд нөхөрт гарч амжилгүй өөд болсон залуу эмэгтэйг хойд насандаа ч гэсэн эр эмийн ажил хийж байг хэмээн ингэж оршуулдаг байсан гэсэн санал гаргаж байгаа гэнэ.